روايه خلخال حليمه
الفصل الرابع
بقلم ايه عرفات
شريف بدا يقرب من حليمه لحد ما رمها على السرير
حليمه زقته وقعته على الارض وقامت جريت علي كباية الميه وكس*رتها
حليمه لو قربت مني انا همو*ت نف*سي كده كده انا ما عنديش حاجه اخاف عليها
شريف: انتي مجنونه ارمي اللي في ايدك ده
حليمه: بقولك ابعد عني
شريف :خلاص هبعد عنك بس ارمي اللي في ايدك الاول انت هتجب*يلي مص*يبه
حليمه :ارجع ورا
شريف رجع لورا وحليمه فضلت تتسحب واحده واحده لحد ما وصلت على باب الشقه فتحت الباب وطلعت تجري بالبجامه وشعرها كان مفرود وكانت الساعه 1:00 بالليل
حليمه فضلت تجري في الشارع زي المجنونه ماكانتش عارفه تروح فين الجو كان متاخر اوي ماكنش في حد في الشارع
حليمه دخلت على مطعم كان الوحيد اللي فاتح اول ما دخلت حليمه دخلت على الكاشير
حليمه: لو سمحت ممكن تساعدني
الكاشير بدا يبصلها من تحت لفوق
الكاشير: خير في حاجه
حليمه :لو سمحت ممكن تشوفلي اي حاجه البسها ومكان ابات فيه لحد الصبح
الكاشير :وانتي ازاي طالعه في نص الليل بالشكل ده
حليمه: بعد اذنك من غير اي تفاصيل ممكن تساعدني انا عايزه مكان ابات فيه لحد الصبح بس
الكاشير: وانا اعرفك منين علشان خاطر اديكي مكان تباتي فيه اطلعي بره يا بت انتي اي الاشكال اللي بتتحدف علينا دي ياربي
حليمه :ابوس ايدك انا ماينفعش اطلع بالشكل ده في الشارع انا ممكن ابات هنا والصبح اوعدك اني انا هشتغل في المطعم همسح واكنس وده اعتبره تمن الليله اللي هابتها هنا
الكاشير بدا يقرب منها ووشوشه في ودنها
الكاشير: طب بقول لك ايه ما تيجي تباتي عندي احسن في الشقه
حليمه: انت واطي وقليل الادب
الكاشير: اطلعي بره يا زباله
حليمه طلعت بره وقعدت في ركن جنب المطعم وفضلت تعيط وهي بترفع راسها لفوق شافت واحد كبير شكله غني ومهم اوي
حليمه اول ما شافته قامت وقفت
راشد: انا سمعت كل الكلام اللي حصل جوه وانا حابب اني انا اساعدك
حليمه: بجد يا عمو ربنا يخليك يارب
راشد :ممكن اعرف اي حكايتك
حليمه: انا مابحبش احكي حكايتي لاي حد فلو حضرتك حابب تساعدني اتفضل من غير ما تعرف عني اي حاجه لو مش حابب يبقا تسبني في حالي الله يخليك
راشد: تعالي اركبي العربيه معايا
حليمه رجعت لورا وكانت خايفه اي
حليمه: نعم انت قصدك اي
راشد :انتي مش عايزاني اساعدك وانا هساعدك تعالي اركبي العربيه وانا هساعدك
حليمه: وانا اي اللي يضمنلي انك هتكون انسان كويس مش هتعمل فيا حاجه وحشه
راشد ضحك ضحكه عاليه
راشد: تعالي يا بنتي انا ما بقاش في صحه لاي حاجه وحشه انا ممكن اكون اكبر من ابوكي تعالي اركبي وما تخافيش مني انا هاخدك دلوقتي في شقه من الشقق بتوعي تغيري هدومك وتنامي والصبح ان شاء الله نبقى نتكلم
حليمه: انا قلبي مش مطمن
راشد: لا اطمني وما تخافيش انا فعلا حابب اساعدك تعالي اركبي معايا العربيه
حليمه :ركبت العربيه وكانت قلقانه جدا لحد ما وصلوا قدام عماره ضخمه وكبيره
راشد: اتفضلي يا بنتي ده مفتاح الشقه بتاعة الدور التاني افتحي هتلاقي فيه لبس في الدولاب بتاع بنتي ممكن تلبسي منه اي حاجه بكره الصبح ان شاء الله هعدي عليك واخدك في مكان هادي ونتكلم براحتنا وهقولك عايز منك اي ولو خايفه اقفلي على نفسك من جوه
حليمه: طب هو في حد عايش في البيت ده
راشد :لا ده كان بيتنا القديم واحنا مهاجرين بقلنا كام سنه ولسه حاجتنا زي ما هي فيها اطلعي وما تضيعيش اليوم بتاعك نامي وارتاحي
حليمه طلعت الشقه وفتحت الباب بس مع ذلك كانت برده قلقانه وماكانتش مطمنه اول ما دخلت نامت على السرير وفضلت تفكر في الراجل ده وايه اللي هيعوزوا منها فضلت تفكر لحد ما راحت في النوم
في الجامعه عند حازم اخو مراد
كريم: اي يسطا اي مع البت دينا
حازم: عملت زي ما قلت لي اديني بسكتها بكلمتين حلوين بس انا مش عارف ايه اخره الكلام ده كله
محمد: حلو الكلام انا هقولك بقى الخطوه الجايه تعمل اي
حازم: اديني سامع قول
محمد :هتروح تقولها انك بتحبها وخايف انها تبعد عنك ولازم تضمن حبكم ده بانك تتجواز عرفي اول ما توافق ورقتين عرفي اكتبهم وخليهم معاك وقضي ليلتين حلوين وبعدين ابقى ارميها وقطع الورقتين
حازم: انت مجنون اقضي مع مين بقولك هي بتخاف امسك ايديها هتخليني اجوزها عرفي واقضي معها ليلتين انت مجنون ياض ولا اي
كريم: الحب بيعمل اكتر من كده يا صاحبي جرب ومش هتندم بس ابقى افتكرنا بحاجه حلوه يا صاحبي
حازم فضل يفكر في كلامهم لحد ما اقتنع
تاني يوم حازم قابل دينا
حازم ؛وحشتيني اوي يا حبيبتي
دينا :وانت كمان يا حبيبي انت كويس
حازم: انا كويس جدا بس في حاجه مخنوق منها
دينا :سلامتك يا حبيبي ايه اللي خانقك
حازم: انا تعبت خلاص يا دينا من كتر الخوف خايف تروحي مني وخايف ما تكونيش من نصيبي الحاجه دي بقى بترعبني انا بحبك يا دينا وعايزك تبقي معايا العمر كله
دينا :ما تخافش يا حبيبي انا كمان بحبك وعايزه ابقى معاك العمر كله
حازم: الكلام لوحده مش كفايه يا دينا
دينا: امال اي اللي يثبتلك اني بحبك ومش هسيبك ابدا
حازم؛ انا عايز حاجه تضمن حبنا
دينا: واي الحاجه دي بقى
حازم :نتجوز اي رايك نتجوز يا دينا
دينا: انت بتتكلم بجد صح يا حازم
حازم: والله العظيم انا فعلا عايزه اتجوزك
دينا :وانا موافقه طبعا
حازم: بس انتي عارفه الكليه دلوقتي وانا مينفعش اني انا اتجوز
دينا: امال هنتجوز ازاي
حازم: عايزين نتجوز عرفي لحد ما اظبط اموري واتجوزك رسمي
دينا: مش فاهمه
حازم: قصدي نضرب ورقتين عرفي مؤقتا بس لحد ما اخلص كليه واتجوزك رسمي قدام الناس كلها
دينا :تصدق انك انت حق*ير بقا انت عايزني انا اتجوزك عرفي من ورا اهلي
حازم: كل ده عشان بحبك
دينا: انت تخرس خالص انت ما تعرفش اي حاجه عن الحب وانا غلطانه اني انا حبيت واحد زيك عن اذنك
دينا: جت عشان تمشي حازم مسك ايديها ودينا ضرباته بالقلم على وشه
دينا: اول واخر مره تلمس ايدي وبعد اذنك ياريت لا تكلمني ولا ترن عليا سلام
دينا مشيت وحازم فضل متغاظ اوي انها ضربته بالقلم وقرر ينتقم منها بس ما كانش عارف ازاي راح لاصحابه
كريم: ايه يا اسطى نقول مبروك يا عريس
حازم: اسكت بقى عشان انا عايز اخ*نقك بايديا
محمد: ليه يا اسطى في اي
حازم: البنت بنت ال*اي ضربتني بالقلم
كريم :هههههه تعيش وتاخذ غيرها يا صاحبي
حازم: انا ما بهزرش انا عايزه انتقم منها بجد
كريم: لو عايز تنتقم منها فده امر سهل سيبلي انا الموضوع ده
حازم: انا بقولكم اي انتم الاتنين لازم تشوفه طريقه عايز احط مناخيرها في الارض واكسرها عايزها تجيلي زحفه على رجلها
كريم: بس كده من عيني يا صاحبي يومين كده وهقولك تعمل اي
حازم :ماشي ياسطا انا همشي انا بقى عايزين حاجه
كريم: لا مع السلامه يا صاحبي
حازم اول ما وصل على البيت كانت نور اخته قاعده في الصاله
نور :انت شرفت يا استاذ انت عارف الساعه كام دلوقتي
حازم :اي يا بت هتعمليلي محاضره ولا اي
نور: انت وراك امتحان الصبح ولسه ماذاكرتش ولا عملت اي حاجه لو مراد كان هنا ما كنتش سهرت بره لحد دلوقتي
ام مراد طلعت من الأوضه
ام مراد: سيبي اخوكي براحته يا نور
نور: ازاي يا ماما والامتحان اللي عنده الصبح
ام مراد: كل واحد عارف مصلحه نفسه اهم حاجه ذاكري انتي يا روح ماما عايزه اشوفك احسن واحده في الدنيا كلها
نور: حاضر يا ماما طب يا ماما ما تكلمي مراد خليه يرجع
ام مراد: دي امور مالكيش تدخلي فيها روحي على اوضتك ذاكري ونامي عشان الكليه بتاعتك الصبح
نور :حاضر يا ماما
تاني يوم عند حليمه
حليمه: صحيت من النوم على صوت جرس الباب قامت فتحت وكان راشد
راشد :انتي لسه ما غيرتيش هدومك من امبارح
حليمه: كنت تعبانه ونمت
راشد: طب ادخلي غيري هدومك وانا مستنيكي تحت في العربيه
حليمه: خلاص ماشي حاضر
حليمه غيرت هدومها ونزلت ركبت العربيه مع راشد
حليمه: ممكن اعرف انت عايز مني اي
راشد: مش لما نفطر الاول وبعد كده هقولك عايز منك اي بالظبط
حليمه: انا مش عايزه افطر ولا عايزه اي حاجه انا عايزه اعرف انت عايز مني اي
راشد: ما تخافيش انا مش هاذيكي انا عايز منك كل خير نروح مكان هادي نفطر ونشرب حاجه ونتكلم براحتنا
حليمه :ماشي
راشد خد حليمه في مكان هادي خالص
حليمه: ممكن تقولي انت عايز مني اي بقى
راشد: انتي متجوزه
حليمه: لا انا مطلقه من قريب
راشد: امتى اطلقتي
حليمه: من تلاث شهور ونص
راشد: انا عايزك تشتغلي عندي ايه رايك
حليمه: ممكن اعرف اي هو الشغل ده
راشد :هتشتغلي عندي في القصر بتاعي
حليمه: قصدك خدامه
راشد :حاجه زي كده وهتاخدي مراتب كويس جدا
حليمه: انا مش موافقه على الشغل ده بعد اذنك
حليمه مشيت وراشد مشي وراها
راشد: ممكن اعرف ليه بترفضي
حليمه: حضرتك انا معايا كليه تربيه في الاخر اروح اشتغل خدامه مش بعد ما امي تعبت وصرفت عليا وكبرتني ودخلتني كليه في الاخر اروح اشتغل خدامه بعد اذنك وياريت تشوف واحده غيري
حليمه وهي ماشيه راشد مسك ايديها
راشد :انا طالب ايدك اي رايك
حليمه وقفت مكانها ماكانتش قادره تتحرك ولا تتكلم
حليمه انت بتقول اي
راشد بقول انا عايز اطلب ايدك
حليمه انت اكيد بتهزر حضرتك قد والدي تتجوزني ازاي
راشد ههههههههه لا لا انتي فهمتي غلط انا مش قصدي كده خالص
حليمه ممكن افهم قصدك ايه
راشد ممكن تقعدي عشان نعرف نتكلم وافهمك على كل حاجه
حليمه رجعت قعدت على الترابيزه تاني
راشد انا هحكيلك على كل حاجه
حليمه اتفضل احكي انا سمعه
راشد انا صاحب شركات العميره في مصر الحقيقه انا عندي ولد وبنت بنتي مسافره بره مصر بتدرس وابني هو الوحيد اللي معايا هنا زوجتي اتوفت من 15 سنه من يوم وفاة زوجتي بعد وفات زوجتي بخمس سنين ابني حصله حادثه نظره راح فيه وبقى كفيف في الحقيقه انا اتجوزت واحده بعد ما عمل الحادثه عشان تساعده وتقف جنبه لكن هي للاسف ماعرفتش تحبه زي ابنها ربنا كرمني بولد من زوجتي التانيه عنده دلوقتي 10سنين
حليمه ممكن اعرف اي علاقتي بكل ده
راشد ممكن تسمعيني للاخر
حليمه اتفضل
راشد انا حاولت اجيب لابني شغالين كتير يساعدوه ويقفوا جمبه لكن للاسف كانوا بيطفشوا منه من اول يومين
حليمه طب ممكن اعرف ليه بيطفشوا منه
راشد لانه أسلوبه شديد شويه من كتر اللي حصله بقى طبعه قاسي جدا ماحدش يستحمله وانا للاسف مسافر هقعد 6شهور بره مصر وعايز واحده تقف جمبه وتساعده لحد ما ارجع لاني مش هلاقي حد يقف جمبه خالص
حليمه بردو اي علاقتي بكل ده
راشد انا طالب ايدك لابني عزيز
حليمه لا طبعا مش ممكن اتجوز بطريقه دي
راشد اوعدك اني ده جواز موقت 6شهور بس وهخليه يطلقك وتعيشي حياتك وكل ده هديكي مكافاء كبيره جدا
حليمه انا اسفه كان نفسي اسعدك بس انا مش موفقه علي الكلام ده بعد اذنك
راشد فكري برحتك وده الكرت بتاعي هستنا مكالمتك
راشد ساب حليمه ومشي وحليمه فضلت تفكر في كلامه
في الجامعه عند حازم
حازم اي يا شباب فكرتو في الكلام الي قولتو امبارح
كريم انا عن نفسي عندي ليك خطه تجيب منخايرها الارض وتجيلك زحفه
حازم الحقني بالفكره دي
كريم اسمع الكلام اللي هقولهولك وتنفذه بالحرف الواحد انت تروح وتقولها انا اسف وحقك عليا وده كان اختبار ليكي وانا فعلا مش هتلاقي احسن منك تكون زوجه ليا
حازم وبعدين
كريم وبعدين تقولها انا كلمت ماما عليكي وهي وافقت اني انا وانتي نعمل خطوبه وكمان موافقه انها تروح تقابل باباكي بس للاسف هي تعبانه والتعب ده هياخد اسبوع او اسبوعين لحد بس ما تقوم بسلامه
حازم اخلص انت بتحكيلي قصه حياتك ولا اي
كريم اتقل عليا بس يا اسطا هي هتقولك الف سلامه وهي عامله ايه هتقولها هي كانت طالبه انها تشوفك عشان تعرف خطيبة ابنها وانا بصراحه قلتلها هتفق معاكي على ميعاد ونروح نشوفه سوا
حازم وبعدين
كريم هتاخدها وتروحوا على شقه المعادي بتاعة الشقاوه وهناك هنكون احنا مستنينها انا ومحمد ورامي وهنعمل معاه احلى واجب
حازم احلى واجب ازاي يعني مش فاهم
كريم هنروق عليها يا اسطا وانت فاهم بقى
حازم الله يخرب بيت ابوك انت قصدك هتغت صبوها كريم الله ينور عليك وبعد ما يحصل هي بنفسها هتجيلك زحفه على رجلها وهتتمنى انك توافق بيها وانت ساعتها تعمل اللي انت عايزه بقى
حازم انتم عارفين معنا اي الكلام ده انتم مجا*نين
كريم والله هي دي الفكره اللي جت في دماغي هتخليك تنتقم منها وتحط مناخيرها في الارض موافق يا صاحبي احنا موجودين مش موافق براحتك دورها في دماغك ورد علينا يا صاحبي
حازم بدا يفكر في الكلام اللي قالوا كريم
حازم رجع البيت بالليل
نور حمدلله على السلامه مش عوايدك تيجي بدري
حازم نقطيني بسكاتك واسكتي فين ماما
ام مراد انا اهو يا حبيبي حمدلله على سلامتك
حازم الله يسلمك يا ماما
نور اي الدلع ده بقى يا ماما انتي بتدلعيه وانا لا
ام مراد هو انا اقدر مادلعكيش ده انتي ده انت روحي وقلبي ونور عيني
نور ربنا يخليكي ليا يا احسن ام في الدنيا
ام مراد ويخليكي ليا يا قلبي ويحفظك من كل شر
حليمه فضلت تمشي في الشوارع وما كانتش عارفه تروح فين وعماله تفكر في الكلام اللي قاله راشد ومره واحده تليفونها رن
حليمه ازيك يا ماما عامله اي وحشاني جدا
ام حليمه انا كويسه يا روح ماما انتي عامله ايه وحشتيني يا بنتي
حليمه وانتي كمان والله يا ماما وحشتيني اوي
ام حليمه عملتي اي يا بنتي في حياتك احكيلي قاعده فين وعايشه ازاي واشتغلتي ولا لسه
حليمه انا كويسه يا ماما خديجه عامله اي
ام حليمه كويسه يا ضنايا اهم حاجه انتي
حليمه ما تشغليش بالك بيا يا ماما
ام حليمه معلش يا بنتي لو كنت هطلب منك الطلب ده بس ما باليد حيله
حليمه خير يا ماما في اي
الشهر قرب يخلص والبيت مافيهوش فلوس واختك محتاجه مصاريف الدروس وصاحب البيت عايز الايجار والدنيا متلخبطه معايا يا بنتي مش عارفه اعمل اي حاجه
حليمه حاضر يا ماما هتصرف وهبعتلك فلوس
ام حليمه ربنا يخليكي يا قلب امك ويحفظك وابقي طمنيني عليكي يا حليمه
حليمه حاضر يا ماما يلا سلام
حليمه بدات تفكر ازاي تعمل اي والدنيا اسودت في وشها قررت ترن على راشد
رنت علي راشد
راشد انا كنت عارف انك هترني عليا
حليمه انا موافقه تقدر تقولي المطلوب مني اي
راشد هديكي عنوان القصر بتاعتي وتجيلي هناك
ام حليمه خلاص ماشي حاضر
حليمه راحت على القصر اول ما شافت القصر وقد اي هو جميل من بره وضخم وكبير كانت مذهوله من اللي هي شايفه ماكانتش مصدقه انها هتشوف حاجه زي دي في يوم من الايام حليمه بدات تبص حوالين منها
وفجاء راشد جه من وراها