الفصل الواحد وثلاثون 31
بقلم ايه
في فترة المغرب من نفس اليوم
ركبت ليلى الاسيل فوق بعد ما طلع محمد
ليلى مدتلها اختبار الحمل في شكاره وقالت >> حست اول ما روحت نسيت نعطيه لكي بكل
اسيل >> قلت اكيده نساته ، كيف جبتيه
ليلى >> ونحن مروحين مرام راسها يوجع فيها قلت البابا نبو صيدلية تكيت جبتلها بندول وجبتلك الاختبار
اسيل >> مع اني متأكده بس ح نديره قلعت ملام🙂😂
ضحكت ليلى و مسكت لين رفعتها >> حنزلها معايا لوطا ديري اختبارك وانزلي اشربي معايا قهوة
اسيل >> قيس مع عميمه؟ غريبه ساكت ما سمعتلش صوت
ليلى >> لالا علق في محمد وهوا طالع قال ناخذه معايا للجامع عشان يسكت ، ويصلي المغرب بعدها ح يجيبه ويرد يطلع
اسيل>> تمام
خذت ليلى لين و نزلت ، واسيل صكرت الباب و مشت ادير في الاختبار
//
//
اما فالحوش الثاني كانن البنات مقعمزات كلهن ، هديل وسديم ومجد يهدرزن في جهه و الكناين وجدتهم يهدرزو في جهه ثانيه بس كان الحوار كله على عرس مجد … وكانن البنات يتفقن علي تفريش شقة مجد لي مازال عليه يومين بس وكانت توري فيهن شن يديرن وكيف يرتبن حاجتها
مجد >> انتي يابنت وين سرحانه
خلود >> عارفات قلبي حاسني بحاجه غلط ح تسير
ضحكت سديم >> الله يربحك خلي العرس يمشي بعدها لي بينتقل لرحمة الله ينتقل 😂
هديل >> بلا سماطه😂
ضحكت خلود >> مش قصدي حاجه هكي ، لا نقصد بيني انا و معتز
بحتت فيها مجد >> حاجه كيف شنو
خلود >> والله مانعرف هكي مش متريحه وخلاص
هديل >> تعوذي من الشيطان بس ، خلوني نديرلكم قهوه تحول الافكار هذينا من راسك
ابتسمت مجد
سديم>> ماتحسبينش كيف شاربه نسكافيه
هزت براسها وبحتت جهة امها و صبايا عمامها >> شبوبات تبن قهوة
ضحكت نجوى >> كان ساده ديريلي مش كيف نسكافيه سيسي تقول حاطه فيه كيلو سكر
سديم >> سمعتك 😒😂
ضحكت هديل >> لا حافظه حافظه ، كلكم ساده "وشيرت بصبعها" ماعدا ماما ممنوع عليها طبعا
هناء >> نص فنجان يا بتي دايرات عليا حصار هالبنات مانقدرش ناكل شي
سديم >> مش كويس قال الدكتور وعارفتك راه تشربي فيها من ورانا 😒
هناء عزقت فيها المخده>> تعالي ربيني
مسكت المخده وضحكت
هديل >> خلاص نص فنجان عشان الخاطر بس 😂
طلعت من جنبهن و مشت شور المطبخ وحجابها على كتوفها عشان وقتها ماكنش فيه حد والشباب الوقت هضا ديما يقعدو مش قاعدين
طلعت البكرج و ملاته اميه وحطاته عالنار
//
//
ونفس البكرج هضا كان واتي فالسفره وطالعه بيه ليلى و تراجي في اسيل تنزل
ناضت مرام من نومها توضت و صلت ومشت تشوف في تلفونها ما لقتش فيه ولا رنه او مسج منه ، قلبها انقبض و عزقت التلفون وطلعت للجنان بملاية الصلاة
مرام >> راسي كأنه فيه دربوكه جوا
سديم >> من النوم معقوله النوم هضا
مرام >> باهي لي صليت العصر كان هضا را راح عليا وانا راقده
على نزلت اسيل من فوق ، ومشت دغري برا، بحتت فيها ليلى هزت اسيل براسها و ابتسمت
مرام >> كنكن ، "و مسكت فنجانها
اسيل بصوت واطي >> حامل
ضحكت مرام>> مبروك مبروك
ليلى >> انا اكثر وحده فرحانه طبعا 😂 حبايب عميمه كثري منهم
اسيل >> بنقعدلك ارنب امالا 😂 اجوزي وجيبي
😂
ليلى مدلتها فنجان >> نبي نقعد عمه واجد "وبحتت في مرام " وخاله قبل وبعدها نفكر نجوز نجيب
بحتت فيها مرام وشربت من الفنجان بدون ما ترد ، بحتت اسيل في ليلى بمعنى كنها
" رفعت حواجبها انه متقربعه "
ليلى >> بتقولي المحمد اليوم
اسيل >> اه بنفجعه بعدين
على طلعت حليمه من جوا وهيه مبتسمه
مرام>> بشرينا معاك
قعمزت حذاهن و حطت تلفونها قدامها ، على طول مرام حطت راسها في كتر امها
حليمه >> كلمني الحاج توا
رفعت عيوانها في امها>> مالش كم ساعه طالع حله يرايف عليك
ضحكت>> لا مش شوري هالمره " وبحتت في ليلى لي كان وجهها احمر " تو كيف كمل هدرزته مع نسيبنا و قالي انه موافق عليه
لمعن عيون ليلى واسيل صفقت ولين ضحكت وصفقت معاهم
اتكت مرام وهيه مبتسمه>> قولي والله يعني خلاص توا كلام رسمي
هزت حليمه راسها >> العقبالك نفرح بيك
ابتسمت بحزن و بحتت في ليلى لي كانت مصدومه
نغزتها في جنبها >> راك ادوخي علينا كنك
اسيل تضحك>> من الصدمه معلش
ليلى بحتت في امها >> كذا قولي مره اخرى بيش نستوعب
حليمة >> هذي كنها الستر
ابتسمت ليلى و مسكت تلفونها
حليمة >> كلا انا معد يتحشم مني حد
ضحكن البنات ، ومرام ردت حطت راسها في كتر امها الي قعدت تملسلها في شعرها
اسيل >> باهي مش انتي بس تقوليلنا اخبار يا اعميمه حتى انا عندي ما نقول
بحتت فيها حليمه>> قولي يا اعميمه محمد مزعلك
رفعت اسيل يديها>> لا المره هذي مظلوم
ضحكت حليمه >> امالا شنو
كانن البنات يبحتن في امهم ويضحكن
اسيل >> ان شاءالله حامل
حليمه ابتسمتتت>> مشاء الله مشاء الله والله عرفتها من شي يومين بحتت فيك والله قلت بنقولك ديري فحص غير قلت نركب عليها وخلاص
ضحكت اسيل>> حتى في قيس ولين انتي لي عرفتي قبل ما نعرف
ليلى >> بس خايفه طبعا الهبله عشان قيس ولين مازالو صغار
بحتت فبها حليمه>> نهارك نسمع قايله هكي هضوم عويلت احميدا وعويلتك نحطهم في وسط عيوني جيبي حتى عشره علي كبدي كيف العسل
مسكت مرام يد لين وكرتها عندها >> الانتاج هضا مفروض ما يوقفش "وباستها"
اسيل>> راكم تزلقو قدام محمد بنفجعه بعدين
ضحكت حليمه و معاها البنات ، وليلى كانت كل شويه تبحت في تلفونها تراجي في سهم يرد عليها بتعرف شن صار في المقابله بينه وبين باتها، رغم الموافقه بس عندها فضول تعرف 😂
//
//
عند هديل فالمطبخ وهيه توتي فالسفرة ، سمعت صوت خطوات جايات من باب المطبخ الخارجي، سيبت لي فيدها و حطت الايشرب على راسها
خش لُقمان رفع راسه وهيه تسقم فالايشرب >> سامحيني مانحسابش فيه حد والله وعقلي يدوي
ابتسمت >> لا عادي، وين عقلك
لقمان >> حايس فالشغل بس انتي عارفه بدر الدين مايحبش يقعد و سهم من يوم خطب ودر عقله
ضحكت هديل وحطت الكبابي فالسفره >> وجت كل حاجه على راسك
رفع حواجبه>> متعود
هديل >> تبي قهوة ؟
لقمان >> لو دايره بالزايد مانقولش لا
صبتله فنجان >> هو مش زايد بس خوذ فنجاني
لقمان >> لا والله ما تسير
هديل >> حلفت قبلك بلاش سماطه دايرتها لهم اصلا انا مش جوي واجد
مسكها منها وابتسم >> خطرها
هديل >> شنو
لقمان >> مش هضك اليوم دويتيلي علي شغل ؟
هديل >> باهي "ومستمره تصب فالقهوه"
لقمان>> خلاص في واحد صاحبي قالي على مكتب هكي عقارات والمكتب احسن شي كله بنات ، هوا فاتحه بس حاط اخته هيه الي ماسكه الشغل
اتكت بيدها عالمرمره >> والله جد ؟ وشن صار باه
لقمان>> خلاص قالي انه المكان كويس و اساسا المحل تحت حوشهم بحيث لو صارت حاجه مايكونش فيه خوف ، وفوقها قريب من حومة المعرض متاعنا
ضحكت هديل و فردت طولها >> انت جايبلي شغل ولا جايبلي مركز امني محاصر
رفع حاجبه>> امالا بنجيبلك اي شغل ضروري بنأمن عليك
هديل>> باهي المهم يعني ح نبدا معاهم ولا شنو توترت
لقمان >> اه هوا صاحبي واجد عندي بيه دلاله ف قتله عندنا مناسبه وبعدها تبدا ، مغير انتي عطيني اول شي شهادتك و اوراقك بيش نشيلهن له واول ما تبدي ح تبدي طبعا شهر او اثنين تدريب بالكثير وبعدها توقعي عقد
مسكت السفره >> عارف ديما نقول فيها احسن واحد فالعيله لقمان
ابتسم >> شيلي شيلي القهوه قبل ما تبرد يا مصلحجيه
مشت قدامه وهوا وراها طالعين من المطبخ >> حرام عليك والله ديما نقول فيها
ضحك ببصاره >> يعني مش نبراس
برمت وهيه ماسكه السفره >> مش كل حاجه فحياتنا نبراس رائد علي روحه شن دخلني
رخى حواجبه>> فضيلي الطريق
خشت قدامه >> يالله يالله لقمان ورايا
مجد >> خش خش تعال
//
//
عند الرائد فالشغل
نبراس بصوت عالي >> عارفيني لف ودوران في ام الشغل ما نحبش وخلاص قلت كلمه ديرها عليش تناقش وانت غلطان
هز الشرطي براسه و طلع
نبراس >> الباب يا اوي خوذه فيدك
قبل ما يسكره مسك صالحين يد الباب وخش وصكره وراه
صالحين >> خير ان شاء الله قاعد فالتوقيف لوطا ونسمع في صوتك يلعلع كنك
نبراس >> كني تحق فيا انكلبت
قعمز قدامه وحط كراع على كراع >> تؤتؤتؤ عليك الوالع
نبراس >> صالحين بالله عليك اطلع عشان ما نخسروش بعضنا
صالحين نزل كراعه و طلع دخان من جيبه >> لو سيبتك بروحك بعقلك الصعب هضا وطلعت ح نخسرو بعضنا ، و كلامك لي تقول فيه وقت العصبيه ما يأثرش فيا "وولع بالولاعه"
طلق فيه القلم >> وهكي يأثر فيك ؟
ضحك>> تي وين ضرب المُزز هضا
نبراس >> ما منبيش نركك بطلقه نعوز خالتي ومجد فيك
نفخ الدخان وصبا >> الله يربحك ما صدقت قعدت عريس
رخى نبراس اعصابه وضحك غصب عنه ، وشيرله على يده>> مد مد
عزقله الولاعه >> المدام ؟
رفع حاجبه وهوا يولع >> لا خوذ كلمها تفضل التلفون افهم منها
صالحين >> ياراجل خرفي تو لا قلت اسمها لا هم قلنا المدام كنها شن دايره فيك راجل طول بعرض خاش من صبح ربي للمركز قالب الدنيا وتعيط تعاركت مع الشرطي وتعاركت معايا وحتى خالد تعاركت معاه
نفخ الدخان >> مش عارف مش فاهم شي والله "ومسح على عيونه"
صالحين >> اسمع مانبيش نعرف شن صاير بس روق واهدا ما تاخذش قرار وانت راقيلك ولا تحكي كلمه برضو لعند تهدا يوم يومين وبعدها ح تلقى روحك بروحك فاهم شن تبي
على فتحت الباب خش خالد قالب وجه >> صالحين لوطا يبوك
ضحك الصالحين >> النبي فكونا انتو الاثنين كل واحد قالب وجه عريس ازف احترمو فرحتي
خالد برم وجه شور نبراس >> ما درت شي انا شوفه هوا
نبراس >> تقول تعرفني امس عارفني بعد نفصل معش نشوف قدامي
خالد واقف عند الباب وصالحين في جنبه>> ياشريني حرجان تي روح روح
جا شور المكتب يدور في حاجه بيطلقها فيه
خالد طلع يجري ويضحك في الممر و الصالحين يضحك وراه ، نزل نبراس يده وابتسم
//
//
في نفس الليله ، كانت ليلى تراجي في سهم عشان يحكيلها شن صار مع باتها وشن حكو
كملت مواعين المطبخ
ليلى>> قصدي حبيبتي المطبخ كل يوم عليا ؟
مرام >> يييييه علينا من قصة المطبخ
ليلى >> بعد تلقي مواعين اغسليهن 🙂
مرام >> ليلى خليني نصلي هالركعتين
برمت ليلى بتطلع نادتها مرام ردت بحتت فيها
مرام>> ليلى ماتقوليش الحد عاللي حكيته لكي فالصبح حتى اسيل مانبيش حد يعرف ، حتى نبراس لولا اني كنت متأمله انه يصير بينا نصيب را ماحكيتلش الموضوع صعب متعبلي نفسيتي
ليلى >> الموضوع مايعيبش فيك حتى ١٪ انتي مش غلط هوا الي عار عليه اصلا حاجه كيف هذي و ح تضره كاني منك راني طبعتها الورقه وعلقتها في شارعهم و نشرتها عالفيس بيش يتربي
ضحكت مرام على كلام ليلى >> اطلعي خليني نصلي اطلعي
على رنت تلفونها >> اهو مخليتك
ابتسمت مرام >> ياعيني باهي اللي انقذني من لسانك
ضحكت و صكرت عليها الباب ومشت ترد على سهم
ليلى >> يا الو
سهم >> الوين وامهم
ليلى >> وين
سهم >> والله كملت معرض ومشيت مع بدر ولقمان كسدنا شويه مع الجماعه وهذي المرواحه
ليلى >> باهي ؟
ضحك >> بتعرفي شن صار مع الحاج
ليلى >> اسمه عمي من يوم وغادي 😌
سهم >> هههههههه يا ستي عمي ولا تزعلي
ليلى>> شنصار
سهم >> باتك مش ساهل دارلي تحقيق من جد جدي السابع من اول يوم ولادتي لعند صبح اليوم شن فطرت
ضحكت ليلى وسكتت شويه
سهم >> كنك؟
ليلى>> من بعد لي صار مع سليمان راجل مرام الاول وبابا خايف ، لما عطى مرام عطاها عشان شافها انها تبيه وشاف انها مبسوطه ومرام كانت مسكينه طاهقه ومضحوك عليها ، عشان هكي المره هذي حذر و استغربت اصلا انه كلمك برا مش في حوشنا عرفته بيحكي معاك بروحك ويعرفك كويس
سهم >> ربي يعوضها خير مع ولد سيدي
ليلى>> هما شالكينها اليوم ف مرام قالبه وجهها وقاعده تصلي فالمربوعه
سهم >> ياعليك حاله هما الاثنين 😂
ليلى>> احكيلي احكيلي شن صار من اول ما شفت بابا
ابتسم سهم وقعد يحكيلها على اللي صار
//
//
عند مرام
كانت كل شويه تشوف التلفونها ، تصلي ركعتين وتبحت للتلفون تشوف لو رن ولا حتى دز مسج
مسكت تلفونها كانت حابه ادز مسج كتبت كلام ومسحاته ردت كتبت كلام مره اخرى ومسحاته
مرام >> هوففف شنو هضااااااا ياربببببب ساعدني ياررببببب حلها من عندك عشان انا تعبت ياربببب
عزقت التلفون بعيد عليها بيش ما تشوفلش و ردت تصلي عشان تنسى
.
.
.
في الليل متأخر كان نبراس مازال في الشغل ، طلع من مكتبه ومشى لقدام المركز قعمز على الدروج وعاطيهم بظهره ويبحت فالشارع
مسك تلفونه شاف للساعه او يتظاهر انه بيشوف الساعه بس كان خاطره يرن و يكلمها … حط التلفون جنبه وطلع الدخان وولعه … سمع صوت خطوات وراه برم ورد بحت قدامه نفخ الدخان
نبراس >> عارفك مش ح تبطل سكنان لعند تعرف كني
ضحك صالحين وجا في جنبه >> اخخخخخ يا ظهري
هز نبراس راسه >> اسملله على عمتي بتعاني شايب
بحت فيه من جنب >> اطلق بيني وبين مراتي ومش شورك
ضربه على كتفه بالقوه>> كذا لم فمك
صالحين توجع وضحك >> خلينا فالمهم ، شن فيه
نبراس >> مش عارف والله … صارت حاجه هكي بينا حسيت انه الثقه بيناتنا صفر ردت بيا النقطة البدايه
صالحين خذا ولاعة نبراس وولع دخانه >> شن اللي صار يعني ؟
نبراس مسح على عيونه وماكانش حاب يحكي تفاصيل >> انا مشكلتي مش فالموقف لي صار اصلا … الحصيل انها دست عليا حاجه كان مفروض نعرفها .. يا سيدي مش شرط نعرفها فالبدايه بس مالنش شويه نعرفو بعضنا ! مفروض كانت تقولي … حسيت انها ما توثقش فيا ومازالت خايفه من اللي صار معاها قبل و انا مانبيش هكي مانبيهش تقارن بيني وبينه… نبيها تنسى امه بكل
صالحين اللي كان يبحت فيه كيف يحكي بقهر >> اهدا بس وخوذ نفس … حسب ما نعرف انه البنت ما عاشتش شويه طبيعي بتخاف وبتحسب حساب كل شي اديره الثقه ما تجيش بين يوم وليله … ورغم هضا كله شوف كيف امنت فيك من ايام القضية اصلا مازالت شغاله اذكر كيف كانت تحكي معاك وقتها عشان بتطمن بس … حتى وانت مش حاكيلي فاطنلك من ايامها
نفض يديه >> انا مش فاهم شن ندير توا عقلي ملخبط وعارفني لما نفكر انا وراقيلي نلخبط ام الدنيا
صالحين >> اهدا شويه زي ما قتلك مبدري ما تاخذش قرار ولا تفكر الا بعد تهدا
صبا من جنبه وحط يديه في جيوبه >> بالله عليك صكرلي مكتبي بنروح نحط راسي ونرقد
شير على عيونه >> توكل بس
//
//
وكمل ليوم هضا مافيش اي احداث بعد اللي صار
غير انه اسيل قالت المحمد على خبر حملها وكانت تحساب روحها تبي تفاجئه بس محمد كان حاس اصلا 🙂😂😂
//
//
بعد يومين
وتحديدا يوم تفريش شقة مجد
الحوش كان حايس اللي يدير في التتشات الاخيره عالبتات اللي تلبس اللي ادير في قهوة للشباب لي برا
كانت سديم تلبس في دنادينها على مراية دار مجد
مجد>> بس بنت
برمت سديم عليها >> شنو
مجد >> متبيش تقولي كنك متعاركه مع بدر
مدت فمها >> مش عارف هوا عركه ولا حسس
مجد >> لكي فترة تتهربي حتى لما تجي تروحي قبل ما يجي وماتجيش الا لما تشوفي سيارته مش قاعده
ردت برمت وقعدت تبحت فيها من المرايا>> لانه ولد خوك بليد بكل و يحب يدير مواضيع عالفاضي
ضحكت >> باهي قوليلي شن صار
لبست ساعتها وبرمت عليها وجت قعمزت مقابلتها>> ابدا بس هضك اليوم يوم خطبة سهم مش عارف شن قلت قالي ما دخلكش ولا مش شورك ، وطلعت لحقني و قعد يهزب عالديلڤري لي طلبته هضك اليوم ولما قالي لمن قتله ما دخلكش زي ما هوا قال
ابتسمت مجد عالخفيف وهيه تسمع في الحوار
كملت سيسي كلامها >> خلاص انفصل يعني هوا يقولها عادي وانا نقولها لا ، عزقت الساعه على وجه وقتله اني جبتها لكي رد جميل بس راك تحسابها هديه وطلعت ومن هضك اليوم معش شفته ولا حكينا
مجد ماسكه ضحكتها >> باهي مش تحسي انه مواضيع تافهه يعني ما يستحقش تقعدي تتهربي منه وهوا راقيله واوڤر انتي وياه
سيسي اللي كانت مع كلام مجد انه الموضوع مش مستاهل وهيه بروحها مش عارفه ليش ردات فعلهم اتجاه بعضهم قويه ، لو نبراس او سهم او اي حد كانت ح تقبل منه وح تضحك اخرى بس بدر لا !
بحتت في مجد >> اهو ممكن هرموناتي متلخبطات
"وضحكت" تو بعد نروح نديرله نسكافيه و نفضو الموال هضا جاينا عرس مش ناقصني يحط راسه من راسي
ضحكت مجد على خشت خلود >> هيا البسي عبايتك معتز قالي اطلعن اللي ماشيات
سيسي >> هي هديل اختي وين
خلود >> سبقتنى طنبرت فالسياره برا 😂
ضحكت>> من معاكم انتي ومعتز؟
خلود >> بروحي ولاوره بنحط المكياج
سيسي >> خلاص تمام معايا العطور في يدي و نركب جنب الدبش
خلود>> تمام "وطلعت"
صبت سديم تلبس في عبايتها>> ماتبيش توصي على شي ؟
مجد>> لالا بس صوريلي بعد تكملو
حطت ايشربها >> تمام حاضر "وطلعت ورا خلود"
.
.
طلعت سديم وكانو فالجنان الشباب ركبو الدبش و بعدها طلعن اللي ماشيات مرت سديم من جنب بدر بدون ما تحكي وركبت مع معتز وخلود 🌚
بحت سهم في بدر وضحك
بدر >> كذا را نفلم عليك
سهم >> تو شن قلت انا
بحت فيه من جنب >> ما فيش داعي تقول
ضحك >> اطلع اطلع
ضبحلهم نبراس من برا>> هيا يا جماعه
وطلعو كلهم
//
//
وصلن البنات لحوش مجد والصالحين 🤍
بدن مراسم اي يوم تفريش مابين جري هكي وهكي و ضم وحوسسسسه و ترتيب الدبشش
هديل >> بنات مجد ما كلمتش حد فيكم ؟
سيسي >> لالا 😂 اكيده متوتره فايتتنا بكل
ضحكت خلود >> عارفتنا ح نهنوها هيه مغير ترخي روحها مع الصالحين بس
سيسي>> والله ربي يكون في عونه سيادة المقدم
ضحكت هديل >> هيا بنات لقمان سكن يرن يقولي طولتن بكللل
بحتت فيها سديم وابتسمت
هديل>> كذا لمي فمك 😒 وامشي شوفي اللي فالمطبخ شنصار معاهن
ضحكت خلود عليهن و سديم كملت ابتسامتها وطلعت للمطبخ
.
.
عالساعه 8 ونص روحو للحوش ، وماكانش فيه حد براني
واول ما خشن استلمتهن مجد بالاسأله
سديم >> خليني نخش ندير نسكافيه ، دارو قهوة غادي سيبتها كيف ما هيه
خلود >> احسبيني
شيرت على عيونها وطلعت
خشت سيسي للمطبخ مازالت بنفس اللبسه حولت الكعب بس ولبست واطي، وحاطه عبايتها عليها والأيشرب عشان عارفه انه الشباب خاشين طالعين
بارمه اطلع في النسكافيه من التلاجه والحليب خشو سهم وبدر من باب المطبخ
حاولت سديم تبين روحه عادي وبرمت عليهم حطت الحاجات من يدها عالمرمره>> جيتو في وقتكم بندير نسكافيه انا وخلود تبو
بدر لي كان واقف يبحت فيها و قارن حواجبه ما ردش
وسهم اللي فهم علي بدر و مسك ضحكته برم دروحه يغسل في يده عشان ما يبحتش في سديم وقال >> لا انسحنت قهوه اليوم ان شاء الله نعرف نرقد
برمت عالغاز بدون ما تبحت فيه >> و انت
طلع سهم من جنبهم ورقص حواجبه البدر اللي عطاه ضربه علي كتفه قبل ما يطلع
اول ما طلع مشى شور الغاز >> عليش لابستيها العبايه و هيه مفتوحه ؟
خبطت على راسها وبحت تحت و ردت رفعت حاجبها >> القفطان طويل مفش حاجه باينه " ولفت العبايه على روحها"
بدر >> طويل بس قفطان وسهم واقف
برمت حطت يد عالغاز ويد ماسكه بيها العبايه >> وحتى انت واقف برضو ، سهم تحشم وبرم وانت عليش كملت تبحت …
بدر ببرود >> بجوي
سديم >> عارفني مش جوي استعراض و انا وهديل نتحشمو منكم كلكم حتى في لبسنا العادي ف اكيد عارف انه مش بقصد، و بعدين مافيش حاجه اسمها بجوي فيه حلال وحرام
بدر بسماطه >> لا تعالي ربيني من جديد؟
ردت برمت تحط فالنسكافيه فالكبابي>> مافيش فايده
رفع حاجبه >> الساعه اللي عزقتيها علي وجي مانبيهش راه خشي خوذيها في درج داري ، ماناخدش حاجه انا برد جميل علي قولتك
لفت راسها بشويه عليه >> اعتبرها هديه هك بدون مناسبة عجبتني وجبتها لكي وبلاش سماطه و تصغير عقل يا بدر الدين "وردت تطفي عالحليب"
ضحك بدون ما تشوفه على نرفزتها >> تبي الحق طلع عندك ذوق
برمت ومدتله الكبايه ورفعت حاجبها >> وليش مش لابسها
ابتسم ومسكها منها وبحت في يده لي كان لابس فيها الساعه القديمة>> من بكرا ح نلبسها "وغمزلها وخذا الكبايه في يده وطلع"
تنفست سديم بهدوء وهزت براسها وهي تحكي مع روحها >> مافيش شي خليكي نفس قبل شن الي صاير يعني
وحطت الكبايات في سفرة وطلعت حذاهم
//
//
في اليومين يلي مرن هذينا ، نبراس ومرام ما حكوش مع بعضهم … كان نبراس حايس في افكاره ومرام كانت فاهمه انه الموضوع صعب عليه ك راجل … حاسه بروحها ضعيفه وحاسه بالنقص وانها مش كيف البنات … رغم دعم هلها ورغم قوتها ورغم تمسك نبراس بيها بس توصل لنقطه معينه وبرضو قصة الطلاق تأثر فيها !
و قعدت تفكر ، يعني لو انا وياه وديما هكي مشاكل ف ما بالك هله لما يعلمو بيه انه ح ياخذ وحده مطلقه شن ح يكون رد فعلهم ؟
وبدون ما تتردد مسكت تلفونها بعد يومين ودزتله
" نعرف انك حايس في تفريش شقة عمتك ، بس لما تفضى كلمني ضروري"
//
//
كان قاعد عند الصالحين مكسد هوا وياه و الصالحين لي كل ما يقرب العرس يزيد سعاده
نبراس >> ماتبيش تلم فمك وانت تسهوك
صالحين >> ياعليك حاله بيحسدوني لما بضحك
نبراس بحت فيه و رد يقلبج في تلفونه
صالحين >> قصدي خلاص را قعدت نعرف انك تحب المدام ف لو بتحكي احكي
حط نبراس التلفون جنبه وبحت فيه >> مش عارف والله ، كل ما نطلع من حاجه نخش في حاجه جديده….
صالحين >> توا بعد فسخت الخطبه ومشيتك لها وغير العركه لي متعاركها معاها في حاجه اخرى تخمم فيها انت
سكت نبراس وحط التلفون جنبه
صالحين >> تفكر في خالتي صح ؟ وقصة مطلقه ما مطلقه
نبراس>> الموضوع مش فيا وانت عارفني كويس بكل ، انا عليها هيه نبي نجيبها ونحن كلنا متريحين وهلي راضيين وهيه ماتسمعش كلمه تزعلها، دوبني فاسخ الخطبه صح بس ما نقدرش نوخر بالبنت لي معلقها معايا اكثر من هكي تكليم و بعد و مشاكل من بعيد ما نبيش ، نبيها جنبي اقرب وقت
صالحين >> بس يا نبراس ما لكش شي فاسخ خطبتك ، لو بتخطب توا ح يكون الموضوع عيب في حق حتى بنت سيدك مهما كان صح مافيش بينكم حب بس برضو راه الموضوع واعر ح يكون حتى قدام العيله
نبراس مسح على وجه >> مش نقولك انا ديما قاعد فالنص ! ديما قاعد فالنص من وين ما نجيبها ما تجيش معايا والله
صالحين >> تي عيب ياراجل تو تفرج رحمة ربي واسعه، وبعدين مرينا ب اكثر من هكي وسط الرص*اص والض*رب والدنيا الشايله بنجو ف هذي نوحلو ، خليك ثلب كيفي و فك حاجتك
صبا مسكه من عند رقبته >> تي ازف مليون مره بنقولك لم لسانك ما تفهمش انت
صالحين يضحك>> مراتي لا اله الا الله بالشرع والدين خلونا عاد
وصل مسج التلفون نبراس ، برم على تلفونه ورد بحت فيه
>> احمد ربك فكك من بين يديا
مسك تلفونه وطلع وهوا يقرا فالمسج والصالحين مستمر يسهوك😂